Хуыцауæхсæвы куывд III

Хуыцауæхсæвы куывд III
О Дунерафæлдисæг Цытджын Хуыцау,
Нæ кувинæгтæ Дын барст уæнт æмæ нæ Де уазæг бакæн.
Оммен, Хуыцау!
Де сконд зæдтæ ‘мæ Дауджыты хорзæхæй Дæ кувæг адæм хайджын уæнт!
Оммен, Хуыцау!
О рухс Мады Майрæм, нæ куывд нын адджынæн айс!
Оммен, Хуыцау!
О бæрзондыл бадæг цæхæрцæст Уастырджи,
Hæ кувинæгтæ дын барст уæнт!
Æргом зæд дæ, æмæ нæ омменгæнджытæ нæ уæлхъус куыд уой,
Нæ бæлццæттæ фæндараст куыд кæной,
Ахæм арфæ нын ракæ!
Оммен, Хуыцау!
О Хуыцауы дзуар, табу дæхицæн!
Оммен, Хуыцау!
Уæлæрвты минæвар вæййыс æмæ, цы хорздзинæдтæ æрхæссыс,
Уыдонæй нын хай бакæ!
Оммен, Хуыцау!
Реком, нæ кувинæгтæ дын барст уæнт!
Нæ дзуæртты хистæр дæ æмæ нæ адæмы дæ хорзæх уæд.
Оммен, Хуыцау!
Гал-нывæндтæ дын куыд кæнæм, ахæм арфæ нын ракæн!
Оммен, Хуыцау!
Зджыды рухс Аларды, нæ кувинæгтæ нын адджынæн айс!
Оммен, Хуыцау!
Дардмæ дæм кувдзыстæм, хæстæгмæ нæм ма ‘рцу.
Нæ чысыл сабитæ – де уазæг!
Оммен, Хуыцау!
Тутыр, нæ кувинæгтæ нын адджынæн айс!
Оммен, Хуыцау!
Нæ бирæгъы хай дæр сæфт куыд нæ уа, ахæм арфæ нын ракæн!
Оммен, Хуыцау!
Нæ алыварс цы адæмтæ цæры, уыдоны хорзæх дæр нæ уæд.
Оммен, Хуыцау!
Æрвиагъд, нæ кувинæгтæ дын барст уæнт!
Оммен, Хуыцау!
Мигъты бардуаг дæ æмæ нæ хус рæстæгæй бахиз!
Оммен, Хуыцау!
Хоры Уацилла, нæ кувинæгтæ нын адджынæн айс!
Оммен, Хуыцау!
Дæ тыллæгæй хорæфсис куыд уæм, ахæм арфæ нын ракæ!
Оммен, Хуыцау!
Фосы Фæлвæра, нæ кувинæгтæ дын барст уæнт!
Оммен, Хуыцау!
Дæ рард фосæй куывдтæ куыд кæнæм, ахæм арфæ нын ракæ!
Оммен, Хуыцау!
Уæ Цæразонты Сидæны. Мыкалгабырты кувæндон, уæ хорзæх нæ уæд!
Оммен, Хуыцау!
Бæркаддæттæг дæ æмæ, нæ уæлвæзтæ фосджын куыд уой,
Нæ дæлвæзтæ – хорджын, ахæм арфæ нын ракæ!
Оммен, Хуыцау!
Фыдбылыз сафæг дæ æмæ, нæ фыдбылызтæ сæфт куыд уой,
Амæндтæй та хайджын куыд уæм,
Ахæм арфа нын ракæ!
Оммен, Хуыцау!
Кувджыты кувæг Хъæрæмыс, гъæйтт, кæстæрты сæрæндæр,
Мæнæй чи ферох, уыдон та ды ‘рымыс!
Оммен, Хуыцау! …

Словарь по этнографии и мифологии осетин. 2014.

Игры ⚽ Поможем сделать НИР

Полезное


Смотреть что такое "Хуыцауæхсæвы куывд III" в других словарях:

  • Хуыцауæхсæвы куывд III – перевод — см. Хуыцауæхсæвы куывд III Молитва в Хуыцауахсав III – О Дунесканаг Хуыцау, возьми нас под Свое покровительство и прими наши подношения. – Оммен, Хуыцау! – Пусть верующий в Тебя народ будет наделен милостью Твоих дзуаров и дуагов! – Оммен,… …   Словарь по этнографии и мифологии осетин

  • ХУЫЦАУЫ НОМАРÆН КУЫВДТЫТÆ — Молитвы в честь Хуыцауа Æртæ чъирийы кувгæйæ Хуыцауы куывд Еунæг Хуцауæн кувд Хуыцауæхсæвы куывд I Хуыцауæхсæвы куывд II …   Словарь по этнографии и мифологии осетин

  • Кударцы — У этого термина существуют и другие значения, см. Кударцы (значения). Кударцы …   Википедия


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»